توغروت بازامشوقدهَمَی دنیادلم تنگِ
زمین وآسمون تنگ نه هم تینادلم تنگِ
مث خونی شلی پیرزن می خواچیشم یه چُرواوو
وُاوره غصه ی هجرون دِخواناخوادلم تنگِ
کسی نی تاکنم سفری دل سیش پهن ازناتر
مث سفری فقیری بی نوی بی جادلم تنگِ
چه خش بی بازمی دیدم کله وُپیلک وزنگل
دم مختک مُرَک بندوسی اولالا دلم تنگِ
سی الوک استکانی پنج قرنی پُریه بال جوم
قیه وگروه سی پیلش دل ناشتادلم تنگِ
هلاک بازی وصدارنکی دم کیچه می شیطون
کپ تشنه سرچَه وقوطی لیلا دلم تنگِ
سی قاوسرخ وسوزوجیک وپوک خطـّه واشتی
سیابردک قوطی ودسک ودمپادلم تنگِ
سی نعل وشاخک وخیط وچکوک ومهره ی شوخار
سی گزّی جامگیرک ونک ری تادلم تنگِ
سی شوسه وچراغ دسّه چپ وموشی وپمپی
سی دیدک تودولیله ی پوزوشواملا دلم تنگِ
سی شک شک کردن دسّی جون ایناصدی ده تیر
تموم چاسل جرون وتوگرمادلم تنگِ
سی اوخاگ ومتووشلشلک بن کیسه وریچال
تپک هف دنگورو ومشتک دولا دلم تنگِ
سی باغچه ی محزمون وناروانجیردزی چیدن
سی خردن ری کناراحمدی بالا دلم تنگِ
سی خیگ وملدوملـّاروغژغژکردن نهره
کری ری سردووروغن سی توحلوادلم تنگِ
سی تش پیش توچاله کادی وچی غل توقوری سه
کله دیدچپل تودرزل درتادلم تنگِ
سی باشت وطوله وکوزوتنیرومدوخ خشتی
سی سقف تنگی وصندوق بیگ دومادلم تنگِ
سی بیگ یارون وکل وُناله ی برنومث صاقه
شودس پاپوکه مُرکردن تواوغوغادلم تنگِ
سی شحم وتخم وکلدون وزمین بوخش نمدار
سی خرمالورک هُم روزوتوصحرادلم تنگِ
سی خیش وبندوآلات واواروبنه وخوره
سی داس واوسه وغلوال وسی برّا دلم تنگِ
سی توغومبه بهروغلـّه تاسرسینه وگوپل
سی غاچ وجیکه وسامونل پاسا دلم تنگِ
یه داغ بی علاجی هم که تاهسّه مونه سوخته
شواندروسی یاری خش قدوبالا دلم تنگِ
امان الله ابراهیمی- بنارآبشیرین
